Атырауда бірнеше адамды таптап өлтіре жаздаған жүргізушіні полиция неге жасырып отыр?
Атырауда 6 адамды көлігімен таптап өткен жүргізушіге қатысты құзырлы орындар ақпарат таратпай отыр.
Бұл туралы КТК арнасы хабарлайды.
“Келіп түскен екі науқастың жағдайы өте ауыр. Бірінші науқасымызға ота жасалғаннан кейін қазір хирургия бөлімшесіне аударылып, қалыпты емін алуда. Ауыр жағдайдағы екінші науқасымыз жансақтау бөлімінде, нейрохируг дәрігерлердің бақылауында”, деді Атырау облыстық ауруханасының дәрігері.
Ауыр жағдайдағы ерлі-зайыптылар бірі бас жарақатын алған, жамбас сүйектері сынған. Ал, екіншісінің бауыры жарылып кетіпті. Олардан өзге түрлі дене жарақатын алған тағы 4 адам медициналық көмек көрсетілген соң үйлеріне жіберілген.
Айта кетсек, жол-көлік апаты кеше кешкілік «Тойота-аурис» көлігінің 19 жастағы жүргізушісі аялдамада тұрған адамдарға соқтыққан. Қолда бар мәліметтерге сүйенсек, жүргізуші спиртті ішімдік ішпеген, өзінің айтуынша жүрегінің нашарлауы себепті рульге ие бола алмай қалыпты.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз