Атырау облысында мұнай тиелген жүк пойызы апатқа ұшырады
Атырау облысындағы темір жол өткелінде жүк пойызы апатқа ұшырады. 68 вагоннан тұратын мұнай тиелген жүк пойызы “КамАЗ” көлігіне соғылған.
Бұл туралы Nur.kz хабарлады.
Пойыз апаты 12 қыркүйек күні орын алған. Жүк пойызы мұнай тиелген цистерналармен бірге Астраханьға қарай бет алған болатын. 68 вагоннан тұратын жүк көлігіне соғылған “КамАЗ” көлігі қатты соққыдан аударылып түскен. Салдарынан көліктің 49 жастағы жүргізушісі зардап шегіп, ауруханаға жеткізілді.
“12.09 күні сағат 15-32-де Исатай ауданы Аққыстау ауылындағы күзетілмейтін, реттеліп отыратын темір жол өткелінде “Атырау-Астрахань” бағытындағы жүк пойызы мен “КамАЗ” автокөлігі соқтығысқан.
Жол апаты салдарынан “КамАЗ” көлігінің 1969 жылы туған жүргізушісі түрлі жарақаттармен аудандық ауруханаға жеткізілген.
№2201 жүк пойызы Аққыстау бекетіне жеткізілді. Аталған апат өзге пойыздардың қозғалысына әсер еткен жоқ”, – делінген ІІМ ТЖК хабарламасында.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе