Атырау облысында имамдар мешіттің ішінде жаға жыртысты
Атырау облысында имамдар мешіт ішінде төбелесіп қалды. Бұл туралы NUR.KZ порталы хабарлайды.
Исатай аудандық соты жергілікті мешітте төбелес ашқан наиб имамның ісін қарады. Тергеу мәліметіне сәйкес, Исатай ауданы “Зинеден ата” мешітінде наиб имам бас имамның жұмысына көңілі толмай, көпшіліктің көзінше оған сын айтады. Жанжал шығарған имамды видеоға түсіре бастаған бас имам оның ашуын келтіріпті.
“Бұған ызаланған наиб имам бас имамның телефонына бас салып, ашу үстінде оны кеудесінен ұрады. Мешіттегі жамағат екі имамға араша түсіп, төбелесті тоқтатқан”, – делінген баспасөз хабарламасында.
Сот отырысында наиб имам өз кінәсін мойындап, әріптесінен кешірім сұрады. Сот оны кінәлі деп тауып, он айлық есептік көрсеткіш көлемінде айппұл салды.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз