Қазақстанның Еңбек сіңірген спорт шебері Дәулет Тұрлыхановтың ұлы Ерасыл Тұрлыханов жүрегін жаралаған арудың атын атап, одан тікелей эфирде кешірім сұрады.
Бұл туралы ол 7-арнада “Жұлдызды балалар” тақырыбы қозғалған “Өз ойым” бағдарламасына Skype арқылы байланысқа шыққанда айтты.
Ең бірінші кезекте ол бағдарлама жүргізушісі Ләйла Сұлтанқызының бірнеше сұрағына жауап беріп, отбасы туралы айтты.
– Анамның есімі – Ардақ. Нағашы атам – Жүрсін Ерман. Қазір үйде туған тәтем босанып, той болып жатыр. Анам немерелі болды. Ол кісі бала қарап, үйде отырады.
Мен Жапонияда – Токиода оқыдым. Әкемнің жолын қууды арман етіп, кішкене кезімнен спортпен шұғылдандым. Қазір Алматыда Қазақ ұлттық университетте Мемлекеттік жергілікті басқару факультетінде оқимын.
Нұрасыл бауырым бір апта бұрын дзюдодан Қазақстан чемпионатында бас жүлдені иеленді. Өзімше палуанбыз. Ол ерке бала ғой.
Екінші ұл – Әкежен мектепті Қытайда оқыған, қазір ол әкемнің қасында жүр…
Қазір мен Алматыда Семсер деген жерде Азия чемпоинатына дайындалып жатырмын.
Негізі, осы тікелей эфирді пайдалана отырып, айтқым келетіні – менің сүйікті қызым бар, бірақ бір апта бұрын қатты ұрысып қалып, қазіргі уақытта сөйлеспейміз. Аты-жөні – Дильбара Әубәкірова.
Істеген қылықтарым үшін өкінемін және қазір оны қатты жақсы көретінімді түсіндім. Кешірім сұраймын. Мен сені қатты сағынып жүрмін”, – деп ашығын айтты ол.
Осы кезде тележүргізуші: „Әкең ұрсып жүрмесін, балуанның баласы қыздан кішірейіп кешірім сұрапты деп ұрысса қайтесің„ деп сұрады.
– Әкем ұрсады әрине, бірақ оны жақсы көрсем қайтем, енді.
Дәулет Тұрлыхановтың 20 жастағы баласы Ерасылдың жүрегін жаулаған Дильбара одан бір жас үлкен көрінеді.