«Асыл ана…». Асхат Садырбай Еркенің анасының үйіне келіпті

Сыйластық деген осы шығар! Асхат Садырбай мен Ерке Есмаханның ажырасқанына біраз уақыт өткенімен, экс-жұбайлар бір-бірімен жақсы қарым-қатынаста екен.

Өткен апта Ерке Есмаханның анасы өзінің туған күнін атап өткен болатын. Туыс-туғандары, жақын достарынан бөлек бұрыңғы енесін құттықтап Асхат Садырбай да келіпті.

Журналист әлеуметтік желідегі парақшасына экс-енесінің суретін жариялап, жылы лебіздерін жазды.

«Асыл ана, ардақты әже туған күніңіз құтты болсын! Алла сізге бақытты ғұмыр, ұзақ өмір нәсіп етсін. Деніңіз сау боп немере-шөберелеріңіздің раxатын көре беріңіз! Көз алдымызда аман-есен жүре беріңіздер!», — деп тілек білдірді Асхат.

Естеріңізге сала кетейік, Ерке Есмахан мен Асхат Садырбайдың 5 жастағы Мүслім атты баласы бар. Ажырасқаннан соң, Ерке Есмахан бұрыңғы күйеуінің алимент төлемейтінін айтқан еді.