Астанаға кіру ақылы болады
Елорда әкімдігі Астанаға ақылы кіру жобасын қарастырып жатыр.
Ақылы кіруді тек таңғы жұмысқа барар уақытта ұйымдастыру жоспарлануда, басқа уақытта көліктің кез келген түрі үшін жол жүру толығымен тегін болады.
Қаланың жол желісіне жүктемені төмендету мақсатында қалаға ақылы кіру жобасы пысықталу үстінде. Бұл туралы қалалық мәслихаттың кезекті сессиясында Астана әкімінің бірінші орынбасары Сергей Хорошун хабарлады.
“Жүргізілген зерттеулер мен Астанаға келетін көліктің кешенді талдауы көрсеткендей, таңғы 7 мен 9 аралығында көлік санатына байланысты кірудің ақылы түрін енгізу көлік құралдары қозғалысы ағынының орташа жылдамдығын 15-20 процентке арттыруға мүмкіндік береді. Аталған жобаны жүзеге асыру МЖӘ аясында жоспарланған”, — деп түсіндірді әкімнің бірінші орынбасары.
Оның айтуынша, ақылы кіруді тек таңғы жұмысқа бару уақытында ұйымдастыру жоспарлануда, басқа уақытта көліктің кез келген түрі үшін жол жүру толығымен тегін болады.
Бүгінгі таңда, Сергей Хорошуннің сөзінше, қалаға күн сайын алты магистраль (Астана-Қарағанды, Астана-Қостанай, Астана-Павлодар, Астана-Қосшы, Астана-Қорғалжын, Астана-Көкшетау) бойынша орта есеппен 82 000 көлік құралы келіп-кетеді екен.
Дерек көз:Sputniknews.kz.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе