Астананың N2 Сарыарқа аудандық соты ерлі-зайыптыны интернет арқылы бүйрек сатпақ болған әрекеттері үшін шартты түрде жазаланды, деп хабарлады астаналық соттың баспасөз қызметінен.
Бұл туралы “Интерфакс-Қазақстан” агенттігі хабарлады, дейді today.kz.
“Сот үкіміне орай олар Республика қылмыстық Кодексінің 116 бабы 2 тармағы және 24 бабы 3 тармағы бойынша кінәлі деп танылған”, – делінген жұмада таралған ақпаратта.
Олардың әрқайсысы бес жылдан шартты мерзімге сотталды.
Істің материалдарына қарағанда, 2017 жылы жұбайлар бірінің бүйрегін 6 миллион теңгеге сататындықтары туралы сайтқа хабарлама берген. Заңсыз мәміле үшін олар жалған сатып алушы аударған ақшаны алған.