Астанада жедел жәрдемнің қозғалысын онлайн көруге болады
Енді Астана қаласында шұғыл жәрдем көліктерінің қозғалысын нақты уақыт режимінде бақылауға мүмкіндік туды. Бұл туралы Денсаулық сақтау министрлігі хабарлады.
Жаңа пилоттық жоба аясында тұрғындар арнайы мобильді қосымша арқылы жедел жәрдемнің орналасқан жерін көре алады. Әсіресе бірінші санаттағы шақыртулар кезінде науқасқа жедел жәрдем көлігінің қозғалысын көрсететін сілтеме SMS арқылы жіберіледі.
Министрліктің мәліметінше, «103» нөміріне түсетін қоңыраулардың жартысынан көбі жедел жәрдемнің келу уақытын нақтылауға бағытталған. Жаңа жүйе бұл жүктемені азайтып, диспетчерлердің жұмысын жеңілдетпек.
Жобаны Астана әкімдігі, Денсаулық сақтау министрлігі және Yandex Qazaqstan компаниясы бірлесіп іске асырған. Егер жүйе тиімділігін көрсетсе, оны басқа қалалар мен өңірлерге де енгізу жоспарланып отыр.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз