Астанада жарысқа кеткен спортшы қыз ұшты-күйлі жоқ

3 желтоқсан 2016, 11:00

Қалалық ішкі істер департаментінің ақпаратына сәйкес, 28-қарашада Астана тұрғыны полицияға келіп, 27-қарашада сағат 09.00-де оның кәмелет жасына толмаған қызының дзюдодан өткен жарыста Арқалықтан Астанаға пойызбен шыққанын, бірақ үйге сол күйі келмегенін айтып, арыз жазған. Қазіргі уақытта туыстарының барлығы, оның араласатын таныстары мен достары да тексеріліп жатыр.

Астана ІІД қыздың қайда екенін анықтау үшін департаменттің жеке құрамы жұмылдырылған. Іздестіру ісі қозғалды.

Маликаның белгілері: бойы 155-160 сантиметр, арықша келген, шашы ұзын, қара, көзі қоңыр. Қанық көк түсті қалпақ, қарақоңыр спорт киімі, қанық қызғылт кроссовка киген. Полиция егер кімде-кім қандайда бір мәлімет білетін болса мына номерлерге хабарласуын өтінеді: 102 немесе 8 (7172) 71-60-22, 8 747-575-96-45, 8 778-580-77-17.