Астанада үшінші қабаттан секіріп, зорлық көрдім деп шағымданған әйелдің ісі қаралып жатыр.
Астананың 26 жастағы тұрғыны өткен жылдың жазында азаматтық некедегі күйеуі мен оның досы өзін зорлағанын айтты, деп хабарлады Tengrinews.kz. Әйелдің айтуынша, бұл қылмыс алдын ала жоспарланған.
“Мені жабылып зорлады. Өмірім үшін қорықтым, үшінші қабаттан секіріп кеттім. Оқиға жалдамалы пәтерде болды. Олар оқиғаны видеоға түсіріп тұрды. Олар өлтіріп, көміп тастайтынын айтып, қорқытты. Сондықтан мен секіріп кеттім”, – деді 26 жастағы Сабина.
Секіріп кеткен қыз түрлі жарақат алыпты. Осы оқиға бойынша тергеу басталып, қазір іс сотқа жетті. Сотталушы ретінде күдіктілердің бірі келіп отыр. Ол ҚР Қылмыстық кодексінің 120-бабының 3-пункті бойынша айыпталып отыр. Тергеу кезінде, әйелдің айтуынша, азаматтық некедегі күйеуі қашып кетіпті.
15-қаңтарда өткен сот тыңдалымында сотталушыға мемлекеттік айыптаушы 13 жыл бас бостандығынан айыру туралы жаза тағайындауды сұрады.
https://kaz.365info.kz/vova-sabyrga-kel-akhtobede-mynaradan-sekirip-ketken-erli-zajyptynyn-videosy-zhariyalandy-262389