Астана полициясы “Happy Village” коттедж қалашығы” ЖШС құрылыс компаниясының басшысына қатысты қылмыстық істі тергеп жатыр.
Бұл туралы Астана қалалық ІІД баспасөз қызметі хабарлады.
Қылмыстық іс ҚР Қылмыстық кодексінің 189-бабы 2-тармағы, яғни „Сеніп тапсырылған бөтен мүлікті иемдену немесе талан-таражға салу„ бойынша қозғалды.
Сотқа дейінгі тергеу “Куршавель” көп пәтерлі тұрғын үй кешені үлескерлерінің “Happy Village” коттедж қалашығы” ЖШС құрылыс компаниясының басшысы Бақтығали Өтегеновке қарсы ұжымдық шағымы бойынша жүргізіліп жатыр.
Ішкі істер департаменті күдіктінің іс-әрекетінен зардап шеккендерден қалалық ішкі істер департаментінің тергеу басқармасының мына мекенжайы бойынша көмекке жүгінуді сұрайды: Астана, Бейбітшілік көшесі, 19, тел.: 8 (7172) 71-60-10, 74-62-28.
Жобаға сәйкес, “Куршавель” тұрғы үй кешені елорданың сол жағалауында, ЭКСПО ауданында салынуы тиіс болған. Бір шаршы метрдің құны 385 мың теңгені құрайды.