Астанада қалалық балалар инфекциялық ауруханасында менингококк инфекциясын жұқтырды деген күдікпен жатқан үш жарым жастағы бала отбасымен бірге Алматы қаласында болған. Бұл туралы Астана қалалық балалар инфекциялық ауруханасы бас дәрігерінің медицина бойынша орынбасары Ольга Пушкарева мәлімдеді.
Бұл туралы Baq.kz хабарлады.
«29 мамыр күні сағат шамамен 13:00 кезінде Астана қаласындағы балалар инфекциялық ауруханасының қабылдау бөліміне үш жарым жасар бала түсті.
Тексеру жүргізілгеннен кейін балаға алдын ала «Менингококк инфекциясы, генерализдік формасы, менингит + менингококцемия» диагнозы қойылды.
Қазіргі уақытта бала жансақтау бөлімінде жатыр. Оның денсаулық жағдайы тұрақты. Бала диагностика мен емделудің клиникалық хаттамаларына сәйкес
ем алып жатыр. Бала түскен кезде арқа-ми сұйықтығына бактериологиялық тексеру жүргізілді», – дейді Ольга Пушкарева.
https://kaz.365info.kz/meningit-astanaga-da-zhetti-infektsiya-bolimine-auyr-halde-3-zhasar-bala-tysti-317280
Астана қалалық қоғамдық денсаулық сақтау басқармасының эпидемиологиялық қадағалау бөлімінің бас маманы Ақмарал Мейірманқызы менингококк инфекциясын жұқтырған бала бассейнге барғанын айтты.
«Бала отбасымен бірге Алматы қаласында бір ай болған. Ол Астанаға 24 мамыр күні қайтып келген. Баламен 14 адам қарым-қатынаста болған, оның бесеуі үйдегі туыстары болса, қалғаны бассейнде болған адамдар. Бала кеше де, бүгін де медициналық бақылаудан өтті.
Астанада менингококкты жұқпа бойынша жағдай тұрақты деп саналады, себебі биыл осындай төрт жағдай ғана тіркелді. Көрсеткіш былтырғымен салыстырғанда бір деңгейде», – дейді ол.
Сондай-ақ, ол бассейнде тексеру жұмыстары жүргізілмейтіні, себебі ол ғимарат жиі желдетіліп, тазартылып тұратындықтан, адам өміріне қауіп төндірмейтіні айтылды.
https://kaz.365info.kz/khoya-tyrynyzdar-meningitti-ozdiginen-anykhtap-yj-zhagdajynda-emdeuge-bola-ma-317387