Астанада көлік жүргізушілері жолдың қақ ортасында төбелесті

Астанада жол бөлісе алмаған көлік жүргізушілері төбелесіп қалды. Куәгерлердің айтуынша, екеуі жолға таласқан. Куәгерлер түсірген видео Instagram желісіндегі Astana brothers парақшасында жарияланды. Кадрларда екі ер адамның жол үшін төбелес шығарғаны  анық көрініп тұр. Ал жолдан өтіп бара жатқан көліктер оларға сигнал берген. Видеоға қатысты Астана полиция департаментінің баспасөз қызметі пікір білдірді.

«Биыл 10 қыркүйекте Тұран даңғылында Mitsubishi Pajero мен Toyota Camry көлігінің жүргізушілері жол бөлісе алмай төбелес шығарған. Қоғамдық тәртіпті бұзғаны үшін қос жүргізуші де әкімшілік жауапқа тартылды. Материал сотқа жолданды», – деп делінген елордалық полиция департаментінің хабарламасында.