Астанада ипотекалық несие алып беремін деп елді алдаған келіншек ұсталды
Елордада екінші деңгейлі банктерден ипотекалық несие алуға көмектесем деп талай қалалықты сан соқтырған алаяқ әйелге қатысты іс тергелуде.
Бұл туралы Астана қалалық ішкі істер департаментінің баспасөз қызметі хабарлады.
«Астана қалалық ІІД Тергеу басқармасы 40 жастағы Айшат Жақияноваға (қыз кезіндегі тегі Насрулина) алаяқтық фактісі бойынша қылмыстық істі тергеуде. Ол Астана қаласының тұрғындарынан әртүрлі сомада ақша алып, бастапқы жарнасыз екінші деңгейлі банктерден ипотекалық несие алуға көмектесемін деп уәде берген. Материалдық шығын 3 мыңнан 5 мың долларға дейінгі соманы құрайды», – делінген Астана қалалық ІІД баспасөз қызметі таратқан ақпаратта.
Айшат Жақиянованың алаяқтық әрекетінен зардап шеккен басқа да азаматтар болса мына телефон нөмірлері бойынша хабарласу сұралады:
8 (7172) 71-63-56, 71-60-25, ұ.т.: 8 (701) 245-02-39.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз