Бұл туралы ҚР МСМ Мәдениет және өнер істері департаментінің директоры Алмаз Нұразхан айтты деп хабарлайды baq.kz.
«Маусымнан қыркүйекке дейін Этноауыл мәдени кешені қайта ашылады, онда «Алпамыс», «Школа трапеции» атты театр-цирк шоуы ұйымдастырылады. Мерейтойға әлемнің жетекші шығармашылық ұжымдары мен ұйымдарының қатысуымен «Астаналар шеруі» атты ауқымды халықаралық жоба, танымал әртістер мен 20 елдің белгілі спортшылары қатысады. Жоба аясында әлемге әйгілі режиссер Тимур Бекмамбетовтің басшылығымен «Астана Опера» мен Дж. Пуччини «Турандот» Пекин ұлттық операсының бірлескен шығармалары өтеді», – деді департамент директоры.
Астананың туған күніне орай қалада ЭКСПО-2017-дегі мәдени шараның жалғасы ретінде АҚШ-тың жетекші ұжымдары мен хореографтарының «Еуразиялық би фестивалі», Қытай, Нидерланды ұлттық балет ұжымдарының қатысуымен ІІ Халықаралық балет өнері фестивалі өтеді.
Еске салсақ, мерейтой мерекесінің ресми басталуы өткен жылдың 10 желтоқсанында бекітілген болатын.