Астана күш құрылымдарының басшылары бас қосты
Астана қаласында күш құрылымдары басшыларының бас қосуымен Ішкі істер министрлігі алқасының кеңейтілген отырысы өтті.
Оған министрлік қызметтері, облыстардағы Ішкі істер департаменті, Жол полиция қызметі, Қылмыстық атқару жүйесі департаментінің, Төтенше жағдайлар департаментінің, сондай-ақ қалалық және аудандық ішкі істер органдары басшылары қатысты деп хабарлады Қазақстан Республикасы ІІМ баспасөз қызметі.
Бұл жиында Елбасымыздың «Төртінші өнеркәсіптік революция жағдайындағы дамудың жаңа мүмкіндіктері» атты биылғы Жолдауынан туындайтын қазақстандық полицияның міндеттері талқыланды.
Алқа отырысында министр Қалмұханбет Қасымов ІІМ жүйесінің қызметі Мемлекет басшысының биылғы Жолдауда айқындаған міндеттерін іске асыруға қолайлы жағдай қалыптастыруға бағытталуы тиістігіне айырықша тоқталды.
Бұл мәселелер қылмыстық істер жүйесі мен әкімшілік өндіріске, сонымен бірге тұрғындарға мемлекеттік қызмет көрсету саласына электронды жүйе енгізумен байланысты.
Министр өз сөзінде Мемлекет басшысының Жолдауы ішкі істер органдарының қызметін жаңғыртуға айтарлықтай серпін беріп, Төртінші өнеркәсіптік революция жағдайында технологиялық дамуға жол ашатынын жеткізді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе