Нұрсұлтан Назарбаев халықаралық әуежайына жаңа үлгідегі Boeing 737 МАХ 8 әуе кемесі қонды, деп хабарлайды Baq.kz тілшісі.
Аталған заманауи үлгідегі ұшақ ТМД елдерінде жалғыз әрі ол SCAT әуе компаниясына тиесілі.
Boeing компаниясының заманауи үлгідегі жалпы саны 6 лайнерді сатып алу туралы келісімге осы жылдың басында Қазақстан президенті Нұрсұлтан Назарбаевтың АҚШ-қа ресми іс сапары кезінде расталған.
Ал бүгін, 2 сәуірде жаңа Boeing 737 МАХ 8 ұшағы Шымкенттен Астанаға бірінші тұрақты рейсін орындады.
Нұрсұлтан Назарбаев Халықаралық әуежайында жаңа лайнерді Үкімет және ҚР Инвестициялар және даму министрлігінің, Қазақстан авиация саласының басшылығы, ҚР Парламент депутаттары және шетелдік елшілер қарсы алды.
Мамандардың пікірінше, жаңа лайнер Еуропа мен Азия арасындағы Қазақстанның географиялық орналасуының оңтайлы жағдайын қолдана отырып, ішкі және транзиттік бағыттарды дамыту үшін SCAT әуе компаниясының ұзақ мерзімді стратегиясына толық сәйкес келеді.
Сонымен қатар, аталмыш әуе компания Шымкент әуежайын оңтүстік хаб ретінде дамытуды жоспарлап отыр. Бұл өңірдегі әуе көлігі және көлік саласын ғана емес, Қазақстанның экономикасын одан ары дамытуға мүмкіндік береді.