Луис Роналдо есіңізде ме? Жанкүйерлері әлі де көп екен. Олар өз сүйіктісі — «қасқатістің» артық салмағын меңзеп, Твиттерде қалжыңдаған Майкл Оуэнді оңдырмай «талап» тастады.
Криштиану Роналдудың жүлдесін «жуу» үшін кезінде «Алтын доп» сыйлығын иеленген әлемдік футболдың 2000-шы жылдардағы жұлдыздары, бразилиялық Роналдо (Луис Назарио де Лима), португалиялық Луиш Фигу мен Англияның алтын баласы Майкл Оуэн Мадридтегі Сантьяго Бернабеу стадионына жиналған болатын.
Майкл Оуэн «Мен семірдім бе десем, ескі досым Ронниді көрмей жүріппін ғой» деп жазып, басы бәлеге қалды.
«Ол сенен 2 есе дәу шығар, бірақ ойыншы ретінде де сенен 2 есе артық болған»
«Тіпті қазір де ол футболшы ретінде сенің ең керемет шағыңмен салыстырғанда 10 есеге артық».
«Сен өмірбақи бұл адамның көлеңкесінде қаласың».