Арыстанбек Мұхамедиұлы әйгілі Голливуд актерін әуежайдан күтіп алды (фото)
Астанаға әйгілі голливудтік актер Эдриан Броуди келді. Танымал әртісті мәдениет және спорт министрі Арыстанбек Мұхамедиұлы Астана әуежайының ВИП-терминалынан күтіп алды.
Ертең, 22 шілде күні әлемдік киноның жұлдызы Николас Кейдж және Джон Малковичтермен бірге халықаралық “Евразия” кинофестивалін ашады. Эдриан Броуди Астанаға дейін 20 сағат ұшып келгенін айтады. Бүгін шаршап тұрмын деген әртіс, журналистермен ертең сұхбаттасуға уәде берді.
Актердің көмекшісінің айтуынша, Эдриан Астанаға төрт жыл бұрын да келген. Бірақ, ол кезде елордамен танысуға мүмкіндік болыпты. Ал осы жолғы шақыртуды актер қуана қабыл алған және Астанамен егжей-тегжейлі танысатынына қуанышты көрінеді.
Эдриан Броуди – танымал америкалық актер және кинопродюсер. 40-тан астам фильмге түсіп, “үздік актер” аталымы бойынша “Оскар” сыйлығын иеленген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе