Белгілі тележурналист Арман Сқабылұлы Баян Есентаеваның мықтылығын мойындайтынын жеткізді. Әлеуметтік желіден білдей бір министрдің атышулы продюсердің студиясына бас сұққанын білген тележурналист осындай мәлімдеме жасаған.
Бұл туралы ол Facebook-те жазды.
Арман Сқабылұлы министр Дәурен Абаевты “Қазақ газеттері” қауымдастығының басшысы Жұмабек Кенжалин өмірден өткенде келмегені үшін сынаған.
“Баян, мен сені мойындадым! Мықты екенсің! Сенің құдіретті магнитің білдей бір министрді студияңа жетектеп алып келеді деп кім ойлаған? Кеше ғана “Қазақ газеттері” қауымдастығының басшысы Жұмабек Кенжалин өмірден өткенде қара көрсетпеген (орынбасарын жіберген) ақпарат министрінің өзі елпектеп Баянның “Баян сұлуының” монтажын көріп кетіпті. Бұл “бақыт” бұған дейін ешкімге бұйырған емес!”, – дейді журналист.