Аптап ыстық салдарынан еліміздің бес өңірінде өрт болды
Қазақстанның бес өңірінде дәл қазір өрт ауыздықталып жатыр.
Атап айтқанда, Ақтөбе, Атырау, Қарағанды, Батыс Қазақстан, Оңтүстік Қазақстан өңірлерінде деп хабарлады ҚР ІІМ Төтенше жағдайлар комитетінің баспасөз қызметі.
Қызыл жалынды ауыздықтауға ҚР ІІМ ТЖК бөлімшесі, Азматтық қорғаныс қызметі, жергілікті атқарушы органдар, орман шаруашылығы, ерікті өрт сөндіру құрамалары қызметкерлері жаппай жұмылдыруда.
Қазіргі сәтте Ақтөбе облысының Әйтеке би, Мәртөк, Қарғалы аудандары, ШҚО-ның Аягөз ауданы, Батыс Қазақстан облысының Ақжайық, Қазталов, Бөкей орда, Жанғалы аудандарында, ОҚО-ның Төле би ауданында 1883 гектар алаңда дала шөбі өртеніп, оны сөндіру жұмыстары жүріп жатыр.
Жалынды сөндіруге 470 адамнан, 70 техникадан тұратын ТЖД күштері мен құралдары, жергілікті атқарушы органдар, орман шаруашылығы, өрт сөндіру құрамалары тартылды.
Базаршолан ауылдық округінің 9 учаскесінде 62 адам және 6 техникамен ТЖД, еріктілер, орман шаруашылығы қызметкерлері өртпен арпалысуда. Бөрлі ауданындағы 2 учаскеде өртті жоюға «Өрт сөндіруші» АҚ, ерікті өрт сөндіру құрамаларынан 9 адам, 4 бірлік техника жұмылдырылды.
Қарағанды облысы Ақтоғай ауданында ТЖД күштерінен 4 адам және 1 техника тартылды. Ұлытау ауданында өртті ауыздықтауға ТЖД күштерінен, ерікті өрт сөндіру құрамаларынан: 24 адам 5 бірлік техника тартылды.
Қарсақбай ауылында ТЖД күштерінен, ерікті өрт сөндіру құрамаларынан: 20 адам, 2 техника жұмыс істеуде. ОҚО-ның Төле би ауданында Қызылтау шатқалында өртті сөндіру жалғасуда. Оған ТЖД, орман шаруашылығы, жергілікті атқарушы органдардан 51 адам, 7 техника жұмылдырылды. Жалын шарпыған алаң – 16 гектар.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе