“Әншілерден маза кетті”. Қазақстанның бір өңірі фонограммаға тыйым салды
Кез-келген жерде фонограмма қосып, тыңдарманын алдап жүргендер Ақтөбедегі мәдениет мәселелерін талқалауға арналған жиында сынға алынды.
Ақтөбе әкімінің орынбасары Ербол Нұрғалиев фонограмма жас таланттардың өнерге деген құлшынысын төмендететінін айтты, деп хабарлайды Аktobe телеарнасы.
“Фонограмма – сахнада әдемі естілгенімен, кейінгі жас буынның өнерге деген құштарлығына кері әсерін тигізеді”, – деді өңір әкімінің орынбасары Ербол Нұрғалиев облыстағы мәдениет мәселелерін талқалауға арналған жиын барысында.
Бұдан бөлек, жиында мәдени шараларды сапалы өткізу мен кәсіби мамандар даярлау ісі айтылды. Аудан, ауылдарда оркестр, ансамбль құру мәселесі көтерілді. Мәдениет басшысының есебі тыңдалды.
“Көрермендердің мәдениетін көтеру бағытында жұмыстарды жандандырып, кітапхана, музей ісін жаңғырту қолға алынады”, – деді мекеме басшысы.
Отырыс соңында облыс әкімінің орынбасары мәдениет өкілдеріне атқарылуы тиіс жұмыстарды тізбектеп берді. Қысқасы, биылға нақты міндеттер қойылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе