Әнші Диная келеңсіз оқиғадан кейін шығармашылыққа қайта оралып, емделуге кеткен уақыттың орнын толтыруды көздеп отыр. Әртіс жақын арада бірнеше әнін көпшілікке ұсынбақшы.
«Күп болып ісіп кеткен ерінімді жауып кетіп бара жатқаным есімде. Ерінім екіге айырылып кеткендей сезімде болдым. Жағым ішке кіріп кеткен сияқты болды. Тістерім таңдайыма жабысып қалды… Қайғырып кеттім. Өзімді ұсқынсыз сезіндім. Енді не істеймін? Қалай өнер көрсетемін? Енді кімге керекпін! деп ойладым” – дейді Диная «Ревю» бағдарламасына сұқбатында.
Бірнеше ай әнші бәрін құпияда ұстауға тырысты. Алайда біреулер әншінің зардап шеккендегі суретін желіге таратып жіберген. Әртіс кейін денсаулығы жайлы жазба жазды. Динаяның айтуынша, бұл төбелес салдарынан болмаған.
«Былайша айтқанда, оқыс жағдай орын алды. Лақтырылған зат маған тиген. Негізінде адам маған көздеп лақтырмаған. Ол тіпті мені танымайды да» – деп қосты әнші.