Украинаның бас прокуратурасы Владимир Жириновскийді терроризмді қаржыландырды деп айыптап отыр. Бұл туралы ведомствоның баспасөз қызметі хабарлады.
Прокуратураның мәліметінше, Жириновский 2014 жылдың наурыз-сәуірінде өз егемендігін өздері жариялаған Донецк және Луганск халық республикаларында Ресей Федерациясы Мемлекеттік думасының депутаттарын басқарған. Олар материалдық көмек көрсету үшін ақша жинаумен айналысқан.
«Осы қылмыстық әрекеттер дерегі бойынша (…) Украинаның бас прокуратурасы Украинаның Қылмыстық кодексінің 27-бабының 3-бөлігіне, 258-баптың 3-бөлігіне (Терроризмді қаржыландыру) сүйене отырып, Владимир Жириновский қылмыс жасады деген күдік келтірді», — делінген хабарламада.
Еске сала кетелік, Жириновский – Ресейдегі артық сөйлейтін саясаткердің бірі. Ол – КСРО кеңістігі Ресейге тиесілі деп санайтын депутаттың бірі. Осы негіздегі мәлімдемелері үшін де ол бірқатар посткеңестік елдердің сыртқы істер министрлігі тарапынан қатаң ескерту де алған. Өз кезегінде мұндайда Кремль: „Жириновксидің айтқандары жеке көзқарасы, оған мән бермеңіздер„ деп сылап-сипап құтылады. Ал орыс басылымдары оған: „алжыған шал„ деген теңеу беріп тастаған.