Қазақ журналисі Ғалым Боқаш Кемерово облысының бұрынғы губернаторы Аман Төлеев туралы осындай пікірін білдіріпті:
«Бұрынғы губернатор Төлеев туралы.
1. Кемеровода қоғамдық орында, ең ірі коммерциялық ойын-сауық орталығында өрт қауіпсіздігі жүйесінің нашарлығынан және тексеру органдарының біліксіздігінен жас балалар жаппай өлген трагедиядан соң әуелі Ресей президентінен кешірім сұрап, оппозицияны кінәлап, саяси тұрғыда алжығаны көрінді;
Ельцин тұсындағы “жүйеленген хаос” кезінде билік басына келгендердің ішінде президент Путинге саяси саудасын өткізе алған аз ғана әккі һәм тәжірибелі аймақ басшыларының бірі еді.
Кемеровадағы қайғылы оқиға Путиннің де, Төлеевтің де өзгермегенін көрсетті.
Есесіне Ресей өзгеріп барады. “Курск”, “Беслан” мен “Норд-Ост” кезінде қанын ішіне тартып қала берген азаматтық қоғамы бұл жолы мүлдем басқаша реакция танытты.
Ал
Төлеев күні өткен ескі жүйенің жүрексіз хозяйственник-долгожитель губернаторы ретінде тарихта қалды.
Оны этникалық қазақ болғаны үшін ғана дәріптей ақтап алуға тырысып жатқандар бір ойлансын: “Егер Төлеев Қазақстандағы облыс әкімдерінің бірі болып, тура осындай төтенше жағдай кезінде (бетін ары қылсын) тура осылай сөйлеп шықса, жақсы көрер ме едік” деп».
https://kaz.365info.kz/armandapsy-zhirik-alzhy-an-shal-ksro-ny-ajta-tiriltkisi-keledi-216155