Алматының құстары қайда ұшып кетіп жатыр?

13 наурыз 2020, 17:32

261

Орнитологтың пікірінше, қазір Алматыдан қараторғайлар, қарлығаштар жоғалып кеткен. Оның басты себебі – жем жейтін орындарының болмауы дейді. Бұрын қаланың сыртында бақшалар, жазық далалар, жүгері алқаптары болған. 80-жылдардың ортасынан жаппай құрылыс салынып, олардың тамақ табуы қиынға түсті.

Халық арасында қаладағы қараторғайларды Майна деп аталатын үндістандық қараторғайлар қуып шығарды деген әңгіме тараған. Бірақ бұл басты себеп емес,

– дейді ғалым.

Маман көгершіндерге де қатысты пікірін білдірді. Олар ауру таратушылар дейді. Саябақтарда оларға балалар жем шашып жүргенін жиі көруге болады. Одан кейін міндетті түрде қолын жуып, тазалық шараларын жасау керек.

– Адамдар жер шарында өздері ғана өмір сүрмейтінін түсініп, қоршаған ортаның жағдайын да бір сәт ойлауы керек. Ағаштарды қорғау үшін қолданатын химиялық заттардың барлығы құстарға зиянын тигізеді.