Нұр-Сұлтан
Қазір
7
Ертең
2
USD
424
-1.11
EUR
498
-0.80
RUB
5.82
-0.03

Алматының қай мектептеріне баланы бермеген дұрыс: стадионы жоқ мектептердің тізімі

Балалар Алматы мектептерінің бірінің спортзалында баскетбол ойнауда
25-тен астам алматылық мектеп әр уақытта өз стадиондары мен ауласындағы аумақтарынан айырылды. Жағымсыз статистиканы қоғам белсендісі Салтанат Тәшімова келтірді. Ол мектеп маңындағы аумақтар орнына қандай нысандар салынғанын айтып, аталған мектептердің тізімі толық емес екенін атап өтті.

Балабақшалар, сауда кешендері және бизнес-орталықтар

Мәселен, №5, 58, 65, 131, 96 және 21 мектеп стадиондарының орнында балабақша салынды. № 37 мектепте стадионында барлық белағаштарды кесіп, жұмсақ төсеніші бар алаңға қиыршық таспен төсеп қоршап тастады. Ол қанша жылдан бері әлі бос тұр…

39-мектептің стадионын да алды, қазір оның орнында жартылай бос бизнес-орталық тұр. 9, 132, 115, 73 және 155 мектептерінің стадиондарын тұрғын үй кешендерін тұрғызу үшін алып алған.

Мысалы,

132 мектептің стадионын алғанына біраз болды, орнына үш 9 қабатты үй салынды. Алайда. бұрын бұл жер сілкінісі кезінде жиналатын орын болған. Мектеп стадионын кішірейтіп, кейіннен 2021 жылы мектепке жапсарлас ғимарат салды

Айта кету керек, бүгінде оңтүстік астананың көптеген мектептері балалардың қалыпты уақыт өткізуі мен дамуы үшін қажетті аумақтарды құрбан ете отырып, кеңейту жұмыстарын жүргізуде.

Мәселен, 146-шы қазақ мектеп-лицейі жоспарланған 400 орындық қосымша құрылыстың салдарынан ғимарат алдындағы алаңынан айырылды. Түрксіб ауданындағы № 32 мектепте де стадион орнына жаңа мектеп ғимараты салынды

№125 жалпы білім беретін мектеп 600 орынға жоспарланған қосымша құрылыстың салдарынан көп ұзамай стадион аумағынан айырылады. Бұл мәжбүрлі шара, өйткені мектепке бала сыймайды. Тек Бостандық ауданының өзінде ғана бір сыныпта 35-40 баладан, бір партада үшеуден отыр.

Президенттің сөзіне қайшы

Бұл жағдайға Мәжіліс депутаты Ирина Смирнова түсініктеме берді. Оның байқауынша,

Алматыдағы нүктелік құрылыс азаматтардың өмірі үшін қалыпты микроклиматты бұзып қана қоймай, лайықты білім алуға да мүмкіндік бермейді. Қимыл-қозғалыс белсенділігінің мүмкіндіктері төмендейді — балаларда да, ересектерде де

— Біз қазір мектеп аумақтары өрескел бұзылып жатқанын көріп отырмыз. Мектептер өз стадиондарынан айырылуда. Бұл стадиондар жай жобаланған жоқ. Барлығы есепке алынды. Қазір мектептерде бала саны осы мектептерде оқыту үшін белгіленген мөлшерден үш-төрт есе көп. Осылайша, балалар саны әлдеқайда аз мектеп үшін есептелген аумақ та кішірейді. Тіпті 2-3 ауысымда оқу да оқушылардың белсенділігі мен алаңды пайдалану мүмкіндігін азайтты. Ол үнемі бос болмады.

Ирина СмирноваИрина Смирнова

Қазір көптеген мектептерде мұндай алаң мүлдем жоқ. Және кеңейткен соң, сол оқушылар саны көбейген кезде, оларға қимыл-қозғалыс жасау және дене шынықтырумен айналысу мүмкін болмай қалады.

Бұл біздің Президентіміздің бұқаралық балалар спортын дамыту қажет деген сөзіне қайшы келіп қана қоймайды. Бұл жалпы салауатты өмір салтына қарсы

Сонда еліміздегі барлық салауатты өмір салты орталықтары не үшін қажет? Мүлде пайдасыз. Себебі спорт қажет деген бір сөз ештеңені өзгертпейді. Онымен айналысу  үшін алаңдар қажет”, – дейді Смирнова.

Адамдарға қиындық тудыратын кім?

Оның пайымдауынша, ойланбай салынған құрылыс қаланы қалыпты өмір сүруге, дамуға және дені сау азамат болуға қолайсыз етеді.

– Мұның бәрі адамдардың бір шаршы метрге тығылып, аз қозғалуына және дұрыс тыныс алмауына әкеледі. Нүктелі құрылысты, соның ішінде мектеп аумағын пайдалана отырып, құрылыс салуды тоқтату керек. Бұл мәселелерді басқа жолмен шешу керек, – дейді депутат.

Смирнова ескертеді:

Егер қалада шағын жердің өзіне құрылыс салынса, жақын күндері желі жүктемеге төтеп бере алмауы мүмкін

Өйткені, олар КСРО кезінде, 60-жылдары салынған. Кәріз жүйесі де, су құбыры да және электр жарығы да. Оларға жүктеме бастапқыда есептелгеннен он есе жоғары болған кезде, тұрақты апаттар орын алады, бұл құлдырауға әкелуі мүмкін.

– Қазір жабайы капитализм кезеңі. Және кейбіреуінің байытылу мүмкіндігін арттырды.

Пандемия кезеңінде, халық кедейленіп жатқанда, осы қорқынышты уақыт ішінде біздің ел долларлық миллионерлер мен бай адамдардың саны бойынша әлемде 8-ші орынға шықты

Біздің елдің есебінен байыған адамдар елімізде өмір сүрмейді. Олардың отбасылары шетелде тұрады. Олар мына “құжынаған адамдар” тұратын үйлерде өмір сүргісі келмейді, олардың көпшілігі біздің балаларымыздың денсаулығына зиян келтіреді”, — дейді Смирнова.

Мәселені кешенді шешу

Экономист Жарас Ахметовтың айтуынша, бүгінде еліміздегі балалар мен жасөспірімдер спортына екі ведомство — Білім және ғылым министрлігі мен Мәдениет және спорт министрлігі жауапты. Бірақ бұл “қойшы көп болса, қой арам өледінің” кері тәрізді.

– Балалар спорты тек мемлекеттік қаржыландыру есебінен ғана дами алады. Жеке меценаттарды тарта отырып немесе олардың қатысуынсыз. Оның дамуына бір ұйым ғана жауапты болуы керек. Сірә, бұл білім министрлігі болуы қажет тәрізді

Бірнеше адам жауапты болған кезде, ешкім ештеңеге жауап бермейді және жақсы нәтиже болмайды. Ведомство бюджет қаражатын жұмсауға жауап беруі керек, дәл осы мекемеде мектептердің жанына объектілер салуға келісім беру өкілеттігі болуы қажет.

Жарас АхметовЖарас Ахметов. Фото: kapital.kz

Ол мектептерді барынша сақтап, қорғауы керек. Қазіргі уақытта министрліктердің өкілдері, мектеп директорлары, балалар жаттықтырушылары және басқалар қатысатын пікірталас қажет. Талқылау арқылы осындай күрделі және жағымсыз салдары болуы мүмкін жағдайдың шешімін табуға болады, – деп қорытындылады Ахметов.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз