Алматылық студент Универсиада билеттерін ойнатқандардың өтірігін шығарды
21 жастағы алматылық студент Универсиада билеттерін ойнату қорытындысына шағымданды.
Билеттер бойынша супер жүлдеге пәтер тігілген болатын, – деп хабарлайды Tengrinews.kz.
15-ақпанда “Алматы” телеарнасында Универсиада билеттерін сақтап қалғандар арасында екі бөлмелі пәтер ойнатылды. Сонымен бірге, тұрмыстық техника, смартфондар, түрлі сертификаттар және Саппоро қаласындағы Азия ойындарына 2 жолдама ойнатылды. Жеңімпаздар билеттердің сериялық нөмірі арқылы таңдалды. Алматылық студент бағалы сыйлықтардың қалай ойнатылып жатқанын тікелей эфирден тамашалап отырған.
“Супер жүлдені ойнату кезінде алғашқы екі сан 98 болды, сосын бірнеше сан сәйкес келмеді. Ол сандарды алып тастады, кейін 4 саны шықты, олар мұндай санның жоғын айтып, ұтысты жалғастырды. Ал менің билетімде үшінші сан 4 болатын. Мұны маған пәтерді берсін деп емес, ұйымдастырушылардың ойланып, келесіде бұлай істемеуі үшін айтып отырмын. Халықты да алдамасын, ешқандай конкурс өткізбей жасай берсін, өтірік уәде берудің қажеті жоқ”, – дейді Әбілүміт Үміт.
“Неге осылай жасағанын түсіндіруін қалаймын. Тым болмаса кешірім сұрасын. Билетте жалпы тоғыз сан бар. Мен ештеңе ұтпай да қалуым мүмкін еді. Бірақ үшінші санға келгенде мені ойынға қатысу мүмкіндігінен айырды. Мен хоккейден үш матчқа бардым. Әкем менен де көп барды. Біз турникет арқылы өттік. Билетті еріктілердің өздері турникетке басып өткізген. Жалған болса, бізді өткізбес еді”, – дейді студент.
Универсиада-2017 билеттеу департаментінің жетекшісі Вадим Дергачев мәлімет базасында мұндай билеттің жоғын айтады. Алайда олар студентпен жолығып, мәселенің мән-жайын анықтамақшы.
Айта кетелік, ұтыс шыққан билеттер тізімі жарияланып та қойды. Оның тізімімен мына арадан таныса аласыздар.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе