Алматыға Қытайдан алғашқы халықаралық туристік пойыз келді

«Сиань – Алматы» бағыты бойынша жүретін алғашқы халықаралық туристік пойыз Алматы-2 вокзалына келіп жетті. Құрамында 246 жолаушысы бар 9 вагоннан тұратын пойызды ұлттық нақыштағы концертпен қарсы алды. Туристер – Қытайдың кәсіпкерлері, ғалымдары, мәдениет пен спорт саласының өкілдері.

Алматыда бес күн бойы түрлі мәдени, туристік және іскерлік іс-шаралар өтеді:
 • 1 маусым – туризм апталығының ашылуы және ынтымақтастық форум;
 • 2 маусым – мәдени фестиваль;
 • 3 маусым – қала бойынша экскурсиялар;
 • 4 маусым – жастар мен спортқа арналған шаралар;
 • 5-6 маусым – кері жол;
 • 7 маусым – пойыздың Сианьға оралуы.