Алматыда қатарластарын жаппай улаған оқушы жазаланбайтын болды

21 қараша 2017, 18:32

Оқушылар баллонның өзі үзіліс кезінде жарылғанын айтқан. Сол аралықта оқушылар өздерін нашар сезініп, есінен танып құлай бастаған. Медбикелер 37 оқушыға көмек көрсетті. Дәрігерлер оқушылардың әлі де бақылауда болатынын айтты. Қазір денсаулығы қалыпты.

«Біз оқушыларға белгісіз газдан уланған деген диагноз қойдық. Оның қандай газ екенін полицейлер анықтайды. Өйткені өзге оқушыларда да осындай белгілер болған», – дейді денсаулық сақтау басқармасының басшысы Әсел Бисинбаева.

Полицейлер кейіннен бұрышты газ баллонын 7-сынып оқушысы әкелгенін анықтады. Алайда оны қайдан алғаны белгісіз. Оқушы жауапқа тартылмайтын болды. Бұл Алматы мектептерінде болған екінші жағдай.