Алматыда Daewoo Nexia жүргізушісі жол апатынан қаза тапты, деп хабарлайды СТВ телеарнасының “Территория происшествий” бағдарламасы.
Апат Ақбұлақ ықшамауданында орын алған. Куәгерлердің айтуынша, Daewoo Nexia Рысқұлов даңғылымен шығыс бағытта келе жатып, Шәріпов көшесіне қарай солға бұрылмақ болған. Сол сәтте шығыс бағытта келе жатқан Audi көлігімен соқтығысыпты.
Daewoo Nexia одан кейін бағанаға соғылыпты. Көлік жүргізушісі оқиға орнында көз жұмды. Audi ішіндегі бір жолаушы ауруханаға жеткізілді.
Полицейлер тергеу жүргізуде.