Алматыда BMW автокөлігінің жүргізушісі әйелді қағып өлтірген (фото)
Бүгін таңертең Алматыда BMW автокөлігінің жүргізушісі әйелді қағып кетіп, мерт қылды.
Көлік жүргізушісі оқиға орнынан ізін жасырмақ болған, бірақ алысқа ұзай алмады.
Көлік Шаляпин көшесі бойымен батысқа қарай жүріп бара жатқан. Ол Сайын көшесінің қиылысынан өте бергенде қызды қағып кеткен. Зардап шеккен әйел қатты соққыдан қасында тұрған Toyota Avensis автокөлігінің астына ұшып түсіпті. Куәгерлер әйелді көліктің астынан алып шықпақ болады, бірақ бәрі кеш еді, ол ауыр соққыдан көз жұмды.
Patrul.kz сайтының мәліметінше, BMW автокөлігінің жүргізушісі оқиға орнынан қашып кетпекші болып, Момышұлы көшесіне жеткенде Toyota Previa көлігімен соқтығысып, тоқтаған.
Куәгерлердің айтуынша, BMW көлігінің жүргізушісі мас болған. Оқиға орнына келген жол-патрульдік полиция қызметкерлері жүргізушіні ұстады. Полиция оқиғаның мән-жайын анықтап жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе