Алматыда атақты ұры-аккумуляторшик ұсталып қалды
Ол тірлікке түнде ғана шығады екен. Тек таксимен жүреді. Алматыдағы талай мәшиненің аккумуляторын зып еткізген атақты ұры осы болуы бек мүмкін, деп отыр Алматының Ішкі істер департаменті.
Ұсталыпты-ау, ақыры.
40-жасқа келіп қалған кәнігі қарақшы екен. Бұрын да ұрлық үшін сотталғаны бар деседі.
Рецидивист ұры түн жамылып, аулаларда тұрған автокөліктердің капотын ашады. Сосын анау-мынауға уақыт жұмсамай, аккумуляторды ғана суырып алып кете барады. Оның да біраз ақша тұратынын біледі. Ұрлыққа жалғыз шығатын көкжалдың өзі екен.
“Полицейлер оның тек Алмалы ауданы ғана бойынша 10 ұрлыққа қатысы бар екенін дәлелдеді”, – депті Алмалы аудандық Ішкі істер басқармасындағы бөлім бастығы, полиция полковнигі Құмарбек Кеншінбаев.
Кім білсін, мұның әлі тағы қанша ұрлық жасағанын. Тексеріп жатыр бәрін полицейлер.
https://kaz.365info.kz/khazakhtyn-eki-apasy-velosiped-yrlap-barady-video-309087
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз