Алматыда 9 телефон террорисі ұсталды
Алматыда былтыр телефон терроризміне байланысты қылмыс саны 25 пайызға азайған. Қалалық ІІД баспасөз қызметінің хабарлауынша, былтыр 9 адам ұсталды. Қазір олардың барлығына қатысты сотқа дейінгі тергеу ісі жүріп жатыр, деп хабарлайды ҚазАқпарат.
«Бүгінде телефон терроризмі ең көп таралған қылмыстардың бірі болып отыр. Жарылғыш зат туралы түскен хабарлардың бәрін тексеру керек. Ол үшін құқық қорғау органдары, медициналық органдар, жедел әрекет ету қызметкерлері жұмылдырылады. Нысанның жұмысы тоқтап, жүздеген қызметкер мен адамдар қауіпсіз жерге көшіріледі. Осы уақытқа дейін бірде бір қоңырау расталған жоқ. Бұл жұмыстардың барлығы үлкен шығынды талап етеді», – деді қалалық ІІД басқарма басшысы Қуат Науатов.
Қазақстанда мұндай қылмыс ҚР ҚК 273-бабы бойынша қарастырылады. Телефон террористері 6 жылға дейін бас бостандығынан айрылуы мүмкін. Алматы ІІД осы бағытта халыққа түсіндіру жұмыстарын жүргізіп келеді. Атқарылған шаралардың арқасында былтыр қылмыс көрсеткішін 25 пайызға азайту мүмкін болды.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз