Алматыда 11 жасар баланы өлтірді деген күдікпен ұсталғандардың бірі бұрын да істі болған.
Темір Ақбердиевке қатысты былтыр Шымкентте ұрлық жасағаны үшін қылмыстық іс қозғалыпты. Оны қорғасын зауытынан темір ұрлаған сәтте күзетшілер ұстап алып, полицейлерге тапсырған екен.
Салтанат Қаракөзова, ОҚО ІІД ресми өкілі:
-Абай аудандық полиция бөліміне жергілікті тұрғын арызданған. Осыған байланысты қылмысқа қатысы бар деген күдікпен Ордабасы ауданының тұрғыны қолға түсті, 1995 жылғы туған азамат. Сол кезде ол қылмысын толық мойындады.
Олар – Темірдің шешесі Шәрипа Ақбердиева, қарындасы Айдана, досы Қадыржан Гулямов пен көлік жүргізушісі болған Руслан Муталиев. Тәртіп сақшыларының мәліметінше, 6-шы сынып оқушысын дәл осы 27 жастағы Муталиевтің көлігімен ұрлап әкетіп, кейін өлтіріп тастаған. 11 жасар Өркен Азаматұлы 19-шы қаңтар күні жоғалып кеткен болатын.
Екі тәуліктен кейін оның денесі қала іргесіндегі саяжайлардың бірінен табылды. Тергеу мәліметтеріне сай, Өркенді алдымен бірнеше жерден пышақтап, артынша буындырып өлтірген.
Дереккөз: КТК арнасы