Алматы түбіндегі ұшақ апатына байланысты қылмыстық іс қозғалды
Республикалық санитарлық авиация орталығы мекемесінің тапсырмасын орындаған «East Wing» АҚ-ға тиесілі АН-28 ұшағы апатына байланысты қылмыстық іс қозғалды.
Бұл туралы ҚР Бас көлік прокуратурасының баспасөз қызметі хабарлады.
– Ұшақ апатының дерегі 2017 жылдың 3-қазанында Алматы қаласының әуежайындағы ішкі істер бөлімінің бірыңғай тізіліміне Қылмыстық кодекстің 344-бабы 3-тармағымен “Абайсызда екi немесе одан да көп адамның өлiмiне әкеп соққан әуе көлiгi жүрісі және пайдалану қауiпсiздiгi қағидаларын бұзу” бойынша көзделген қылмыстың белгілері бойынша тіркелді.
Қылмыстық іс ҚР Бас көлік прокуратурасы арнайы прокурорлар басқармасының өндірісіне қабылданатын болады, ол бойынша процесті жүргізетін прокурорлар анықталды, – делінген құзырлы таратқан ақпаратта.
Айта кетелік, 2017 жылдың 3-қазанында 18:50 сағат шамасында Алматы облысы Іле ауданы Междуреченск ауылы маңында «Алматы-Шымкент-Алматы» бағытында әуе рейсін орындау кезінде АН-28 әуе кемесінің апаты орын алды. Ұшақ бортында болған 5 адам мерт болды.
Олар: ұшақ командирі Цой Г.С, екінші ұшқыш Кутафин Е.В, борт технигі Акматбаев Б.О, акушер-гинеколог Патсаев Т.А. және дәрігер-реаниматолог Артықбаев Ж.Т.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе