Алматы облысында әйел адам 2016 жылғы қызының шашындағы битті кетіремін деп баласынан айырылып қалды. Жантүршігерлік жағдай Талғар ауданындағы Туғанбай ауылында болған, – деп хабарлайды ҚазАқпарат.
Аталған мәліметті облыстық Денсаулық сақтау басқармасының баспасөз қызметі растады.
«Анасы екі қызын алып, ауылдық амбулаторияға барған. Бірақ 2016 жылғы баласы амбулаторияға өлі күйінде жеткізілді. Ал 2013 жылғы баланың жағдайы жақсарып келеді. Бастапқыда ол жансақтау бөлімінде болған. Қазір жалпы палатаға ауыстырылды. Қазір қыз бала Іле ауданындағы Алматы аймақтық балалар аурухасында ем қабылдауда», – деді аталған ведомстваның өкілі Ләйлім Әубәкірова.
Жалпы, ғаламтордағы мәлімет бойынша, «Неоцидол» малдағы кене, биттерді өлтіруге арналғаны жазылған.