Алматы облысында су тасқыны қаупі сақталады. Қалалық ТЖД баспасөз қызметінің хабарлауынша, «Казгидромет» РМК болжамына сәйкес, 9-10 мамырда Алматы облысында жаңбыр жауады.
Таулы аймақтарда су деңгейінің көтерілу қаупі бар.
“Сондықтан, қала тұрғындары мен қонақтары тауға шыққанда абай болғаны жөн” делінеді арнайы хабарламада.
Алдында Алматы қаласындағы Есентай, Қарасу өзендерінің жары үздіксіз жауған нөсер салдарынан опырылып түскенін хабарлаған болатынбыз. Төтенше жағдай қызметкерлері апатты аумақтарды жіті қадағалап, апаттың алдын алу шараларын жүргізуде.