Алматы Мемлекеттік қуыршақ театры Оттава қаласында өткен І Халықаралық «Оттава» қуыршақ театрлар фестивалінде «Ромео мен Джульетта» қойылымы үшін гран-при жүлдесіне ие болды.
Канада мемлекетінің астанасы Оттава қаласында тұңғыш рет І Халықаралық «Оттава» қуыршақ театрлар фестивалі өткізілді. Халықаралық шығармашылық пен ынтымақтастықты көздеген мәдени іс-шараға еліміздің көк Туын ұстап шыққан алғашқы қазақстандық өнер ордасы Алматы Мемлекеттік қуыршақ театры болды.
«Біздің жастар өте жоғары деңгейдегі жұмысты көрсетті және өте қызық махаббат хикаясын сезіндірді. Өз дарындарын, жалпы қазақ жастарына тән талантты Канада халқына таныстырды», – деді Дәулетбек Құсайынов.