18+
Нұр-Сұлтан
Қазір
7
Ертең
-3
USD
389.98
0.00
EUR
434.01
0.00
RUB
6.1
0.00

Алматы хайуанаттар бағындағы кенгуру төлдеді

Осыдан бір жыл бұрын зообақта кенгуру төлдеген болатын.

Кішкентай кенгурудың пайда болуы хайуанаттар бағының басшылығы үшін тосынсый болды. Баланың туған күнін мамандар нақты айта алмайды, деп хабарлайды Sputnik Қазақстан.

Ұрғашы кенгуру 2018 жылдың жазының басында өзін ерекше ұстай бастады: ол «қалтасын» тазарта бастаған.

«Кенгуру — ерекше жануарлар. Қазір ол төлдеді және жарты жыл ішінде тағы жүкті бола алады. Бірақ, төлі жасқа толып, дербес жануар болғанша анасы ұрықтың құрсақтағы дамуын тоқтата алады. Ал бала өз бетінше өмір сүре бастағаннан кейін, болашақ төлінің дамуын жаңғыртады. Бұл жануардың бірегей қабілеті», — дейді Алматы хайуанаттар паркі директорының орынбасары Айбол Кудерин.

Оның айтуынша, ана да, бала да өзін жақсы сезінеді, көп ұзамай алматылықтар мен қала қонақтары хайуанаттар бағының жаңа мекендеушілерін көре алады.