Алматы облысында демалыс күндері әйел адамдарды тонаған және қарақшылық жасаған 25 жастағы ер адам ұсталды.
Б9л туралы Baq.kz хабарлады.
Күдіктіні Талғар ауданының полициясы ұстады. Оның үстінен шілде-тамыз айларында қарақшылық және тонау фактілері бойынша үш арыз тіркелген болатын.
«Бір фактіден өзге, әйелдерді тонау деректерінің барлығы Талғар аумағында болған. 24 тамызда күдіктінің 22 жастағы қызға пышақпен тап беру фактісі бойынша Талғар полицейлері оның ізіне түсіп, қолға түсірді. Күдікті 1993 жылы туған көрші Еңбекшіқазақ ауданының тұрғыны болып шықты»,- деп хабарлайды ВАлматы облысы ІІД Баспасөз қызметі.
Күдікті уақытша ұстау изоляторына қамаққа алынды. Қазақстандық қылмыс заңнамасының 191 «Тонау» және 192 «Қарақшылық» баптары бойынша сотқа дейінгі тергеу жұмыстары жалғасуда.
https://kaz.365info.kz/abden-khinagan-kharyzyn-aluga-ketip-oralmagan-zhigitti-oltirdi-degen-4-kydikti-ystaldy-329442