Жақында Әли Оқаповтың клипінде Ақбота Сейітмағамбет басты рөлді сомдаған еді. Бейнебаянды тамашалағандардың басым бөлігі Ақбота мен Әлидің жарасамды жұп болатынын айтып, өкініштерін білдірді.
Алайда ол шақта көпшілік Әли мен Ақботаның арасында шын мәнінде махаббат болғанын білмеген еді.
Гәкку FM радиосының “Если честно” бағдарламасында Әли алғаш рет Ақбота-Нұрмен жақын қарым-қатынаста болғанын ашық айтты, деп хабарлайды Stan.kz ақпараттық агенттігі.
“Мүмкін жас айырмашылық әсер еткен шығар. Ол тым жас еді. Сондықтан екеуміз бір-бірімізге сай келмейміз деп ойладым. Мұны бірінші рет мойындап отырмын”, – деді ол.
Сондай-ақ, Әли анасының бұл жағдайға қалай қарағанын түсіндірді.
“Анам ол туралы білмейді деп ойлаймын. Бірақ негізі оған достары айтып қоюы да мүмкін. Десе де анам менің жеке өміріме ешқашан араласқан емес. Ол үнемі маған “бақытты болсаң болғаны” деп айтады”, – дейді Әли.