Алдағы уақытта ауа райы қандай болады?

Қазгидрометтің мәліметінше, Қазақстанның басым бөлігінде алдағы уақытта да ауа райы жауын-шашынды болады, еліміздің оңтүстік шығыс жартысы мен батысында жел күшейіп, бұрқасындатады. Кей жерлерде тұман түсіп, көктайғақ болады деп болжануда.

Қарағанды, Шығыс Қазақстан облыстарында тұман түсіп, бұрқасындатады, жел 15-20 м/с күшейеді, кей жерлерде – көктайғақ.

Солтүстік Қазақстан облысында кей жерлерде тұман түсіп, көктайғақ болады. Қызылорда, Батыс Қазақстан облыстарының кей жерлерінде тұман түсіп, көктайғақ болады, күндіз желдің екпіні 15-20 м/с жетеді.

Ақмола, Қостанай, Павлодар, Маңғыстау, Атырау, Жамбыл, Алматы облыстарында кей жерлерде тұман түседі, күндіз Жамбыл, Алматы облыстарында желдің жылдамдығы 15-20 м/с жетеді.

Астанада 20 градус аяз болады.

Алматыда ауа температурасы 4 градусқа дейін жылиды.

Шымкентте +4 градус болады.