Алдағы күндері ауа райы қандай болады?

Синоптиктер 14-16 қараша күндеріне арналған ауа райы болжамын жария етті, – деп хабарлайды Tengrinews.kz тілшісі “Қазгидромет” РМК өкілдеріне сілтеме жасап.

Синоптиктердің мәліметінше, алдағы күндері елімізде жауын-шашын болады.

“Қазақстанға Ресейдің еуропалық бөлігінің орталық аймақтарынан атмосфералық фронттар жылжиды. Бұл фронттар кей жерлерде жауын-шашын, әсіресе қар, тұман, көк-тайғақ, соқпалы жел, солтүстік облыстарда кей жерлерде боран тудырады. Тропосфералық ауа ағыны негізінен батыстық бағытқа ие болғандықтан, температураның айтарлықтай өзгеруі күтілмейді. 2-5 градус қалыпты күйден жоғары болады”, – деді “Қазгидромет” өкілдері.