“Ал не істейсің?”. Саясаткердің ұлы оппозициялық арна басшысын соғып тастады
2008 жылы Грузиядағы президенттік сайлауда оппозиция атынан үміткер болған Леван Гачечиладзенің ұлы Рати өткен жексенбі күні танымал “Рустави-2” телекомпаниясының директоры Ники Гварамияны соққыға жыққаны үшін қамауға алынды.
ІІМ мәліметінше, оқиға өткен сенбі күні Dining Room кафесінде орын алған. Әкесін жерлеу рәсімінен кейін Ника Гварамия достарымен кафеге келген. Онда Рати Гачечиладзе таныстарымен отырған. Ғимаратта аяқ астынан жарық сөнген. Осыны пайдаланған кіші Гачечиладзе оппозициялық арнаның бас директорын бірнеше рет соққыға жыққан. Гварамия есінен танып қалған. Кейін ол журналистерге өзін кім ұрғанын айтқан.
Ника Гварамия Саакашвили тұсында Бас прокурордың орынбасары болған. Рати Гачечиладзенің жазуынша, ол сол кезде “адам құқықтарын жиі бұзған”. Отыз жастағы Рати адамды ұрып-соққаны үшін үш жылға дейін бас бостандығынан айырылуы мүмкін.
“Рустави-2” телекомпаниясы елдің бұрынғы президенті Саакашвилидің достары – украиндық кәсіпкерлер Леван және Георгий Караманишвилиге тиесілі. Бұрынғы президент және Ника Гварамия қазіргі билікті оппозициялық телекомпанияны басып алмақ болды деп бірнеше рет айыптаған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе