Ақпарат министрі Дәурен Абаев 2010 және 2016 жылдың аралығында қанша қазақ қызының қытайлыққа тұрмысқа шыққанын айтып беріпті. Бұл туралы ол өзінің Фейсбуктегі парақшасында жазған.
“Жұмыс барысында Статистика комитетінің мынадай бір деректерін кездестірдім. Жалпы, бұл цифрлар осыған дейін Фейсбукте қызу талқыланған мәселеге қатысты болғандықтан, оқырмандарыма маңызды болар деп ойлаймын.
Қарап отырсақ, 2010 жылдан бастап 2016 жылғы сәуір айына дейін ҚХР азаматтарына 253 қазақстандық тұрмысқа шыққан көрінеді. Соның ішінде, 190 қазақ қызын Қытайда тұратын өз қандастарымыз, яғни қазақ жігіттері жар еткен. Осы уақыт ішінде, яғни алты жылда этникалық қытайлармен некеге тұрған қыздар саны – небәрі 34.
Ал, осы кезең ішінде Қазақстанның 277 азаматы ҚХР қыздарына үйленген. Соның ішінде 244-і – Қытайда тұратын қазақ қыздарымен бас құраған қазақ жігіттері” деп жазыпты министр.