Нұр-Сұлтан
Қазір
20
Ертең
17
USD
449
+0.08
EUR
478
+1.11
RUB
4.76
-0.01

«Әкімдікте оқып жүр, талай қазақ баласы»: Оқушылар әкімінің кабинетінде білім алуда

111
Фото: baq.kz

Амангелді ауылындағы әкімнің кабинетінде қазір 5-сынып оқушылары оқиды. Балаларды осылай «қамқорлығына алған» әкімнің өзі шағын кабинетке көшіпті. Ал мәдениет үйінің концерт залындағы сахнада қазір әдеттегідей ән шырқалмайды, сабақ болады. Оқу кластарының арасы шымылдықпен бөлінген.

 «Бізде бала саны сыныптарда ондай көп емес қой. Он-он екі, он бес… Сондықтан олардың кабинеттеріне сыйып жатырмыз. Кабинетін бізге босатып берді ауылымыздың әкімі. Барлық жағдайларымызды жасап отыр. Қазіргі таңда тығыз байланыстамыз, ешқандай кедергі келтіріп жатқан жоқпыз», — дейді мектеп директоры Анар Габдуллина.

250 оқушының әкімдік пен мәдениет үйінде тентіреп жүруі тегін емес. Өйткені 41 жыл бұрын салынған ауыл мектебінің әбден тозығы жеткен. Халықтың білім ошағы туралы өтінішін «AMANAT» партиясы елеусіз қалдырмады. Партияның араласуымен мектепті күрделі жөндеуге 353 млн теңге қарастырылыпты. Бірақ қаржы уақытылы аударылмай, бұл іс межелі мерзімінен кешіккен. Енді мердігер тағы бір ай мұрсат сұрап отыр.

Мердігердің айтуынша, қазір мұндағы жұмыстың тек 83%-ы орындалыпты. Дегенмен мектепке электр желісі әлі толық тартылмаған, Шашылған құрылыс материалдарының қалдықтарынан аяқ алып жүргісіз. Дегенмен білім ордасын жөндеу ісінің уақытылы аяқталуын аманаттықтар өз міндетіне алып отыр.

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз