Ақтөбедегі атысқа себепкер болған жігіттің қандай күйде болғаны анықталды

Елдің берекесін алған 44 жастағы ер адам болып шықты. Есірткіге елірген ол көше бойындағы бірнеше көлікті соғып кеткен. Онымен қоймай қаша жөнеледі. Соңынан қуған тәртіп сақшыларына да көнбей, көлігінен түсе сала оларға пышақ ала жүгірген. «Сабасына түсіру үшін аспанға оқ атуға мәжбүр болдық,» дейді полицейлер. Ал ұсталған азаматтың діни экстремистрге қатысы бар-жоғы белгісіз. Бірақ бұрын сотталған және осы жолы есірткінің кесірінен не істеп не қойғанын білмеген көрінеді.