Ақтөбеде шұңқырға түсіп, көлігін бүлдірген азамат әкімдікті сотқа берді

19 қараша 2018, 16:00

189

Көлігін зақымдаған жүргізуші сотқа жүгініп, сот оның арызын қабыл алған деп хабарлайды “Ақтөбе Таймс” басылымы.

Сергей Мунтяның “БМВ-728” көлігі 13-ші үйге қарама-қарсы жерде ойыққа түсіп кетіп, қатты зақым алған.

Көліктің рөл трапециясы, сайлентблоктары, амортизаторлары мен иінтіректері, сондай-ақ, төсемдері мен резеңке, бамперлері істен шығыпты.

Жалпы сараптама мен мемлекеттік баждың, сондай-ақ, қызмет көрсету өкілдеріне кеткен шығындардың сомасы 625 мың теңгені құраған.

14 қараша күні мемлекеттік айыптаушы жүргізушіні жақтап, тұрғын үй-коммуналдық шаруашылығының қалалық бөлімшесі зардап шеккен көлік үшін жауап беруі тиіс екенін айтты.

Ақтөбе қалалық сотының судьясы Ирина Буйваренко тұрғын үй-коммуналдық шаруашылық бөлімі жүргізушіге 625 мың теңге төлеу қажеттігі туралы үкім шығарды.