Ақтөбеде орамалға қатысты заңға жүгінгендер сотта жеңіліп қалды
Ақтөбеде орамалға қатысты сот процестері бойынша шешімдер шыға бастады. Осы күнге дейін 7 мектептің үстінен 15 ата-анадан арыз түскен болатын.
Сот олардың бірін де қанағаттандырмады. Бүгінде сот шешімдері күшіне енді. Бұл туралы 2-ақпанда облыстық білім басқармасының басшысы Ләззат Оразбаева хабарлады.
Оның пайымынша, жеңіс деп айтуға әлі ерте, деп хабарлайды Аktobenews.kz.
«Өйткені, ата-аналардың одан әрі қарай арыздануға құқылары бар», — деді облыстың бас педагогы.
Сонымен бірге, Ләззат Аманжолқызының айтуынша, балаларын мектепке жібермей отырған ата-аналар айыппұл төлейтін болды. Айыппұл 5 айлық есептік көрсеткіш көлемінде, яғни 12 мың теңге. Егер, бұл талап орындалмаса, айыппұл мөлшері екі еселенуі мүмкін.
Айта кетейік, жыл басында облыста орамал тағатын 340 оқушы болған. Бір айда олардың 162-сі орамалдарын шешті.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз